HINAS (Helseforetakenes Innkjøpssevice AS) har no mottatt rapporten som kartleggjer det juridiske omfanget av eventuelle avtalebrot med omsyn til reglar om overtidsgodtgjøring, frå leverandørar med rammeavtale om innleigde vikarar i spesialisthelsetenesta. Gjennomgangen er gjort av advokatfirmaet Wikborg Rein på oppdrag av HINAS og dei fire regionale helseføretaka.
Dei fleste leverandørane ser ut til å ha ein praksis som er i samsvar med arbeidsmiljølovas reglar om overtidsgodtgjøring. Det er avdekka kritikkverdige forhold hos enkelte leverandørar, og HINAS og dei fire regionale helseføretaka går nå i dialog med desse umiddelbart for å sjå nærmare inn på kva konsekvensar forholda skal få.
- Det er ein grundig gjennomgang som er lagt fram, og vi ser svært alvorleg på dei avvika som er avdekka. Vi går no umiddelbart i dialog med dei leverandørane dette gjeld, seier personal- og organisasjonsdirektør i Helse Vest, Hilde Christiansen.
I 2009 gjennomførte dei regionale helseføretaka ei felles nasjonal anskaffing for bruk av helsepersonellvikarar. Dei regionale helseføretaka i Noreg har avtale med 15 leverandørar av vikartenester. Rammeavtalane skal sikre den nødvendige tilgongen på vikarar, med god kvalitet på tenestene . Avtalane dei regionale helseføretaka har i dag gjeld ut 2012, kravspesifikasjonar for nye avtalar utabeidast hausten 2011.
Kontaktperson for media:
Hilde Christiansen,
personal- og organisasjonsdirektør i Helse Vest
tlf.: 415 33 809